「家園便利店」五周年誌慶兼觀塘分店啟業禮，專為弱勢社群服務 《頭條日報》報道

香港有唔少弱勢社群，生活比較困乏，Kelly知道有一間叫「家園便利店」嘅非牟利連鎖店，用貼近成本價去賣一啲食物同日用品畀有需要嘅人。今年喺佢哋開業五周年，昨天搞咗個慶典，政務司司長張建宗都有出席支持，佢哋又宣佈會有個優惠畀全港市民啊﹗



　　家園便利店喺二○一二年開業，o依家已經有九間分店，遍佈港九新界㗎﹗佢哋專門為弱勢社群服務，例如長者、傷殘人士、綜援人士、低收入家庭、新移民、少數族裔等，o依家已有超過十萬個會員。佢哋所有食物同貨品都喺用貼近來貨價嚟出售，希望可以令會員「每日慳少少」。除咗零售之外，佢哋亦都有為老人院、福利院同非牟利機構提供網上團購服務。



　　噚日就喺家園便利店嘅五周年慶典，佢哋又宣佈推出優惠畀全港市民，由今日開始，佢哋會派出四十七萬張臨時會員卡，喺九月三十號之前，憑卡就可以用再優惠啲嘅會員價去佢哋舖頭買嘢啦！

參閱網址：http://hd.stheadline.com/news/columns/0/20170505/563501/